PENGERTIAN KAWIH SUNDA

KAWIH SUNDA

Kawih teh nya eta rakitan basa sabangsa dangding anu henteu make patokan pupuh. Ngawih nya eta ngalagukeun kaih atawa sisindiran, jste, iwal ti pupuh. Lirik lagu dina kawih disebut rumpaka. Kawih nu medalna kabaheulaan, rumpaka kawih the nyokot tina wangun sajak antwa puisi. Biasana kawih sok dipirig ku gamelan. Nada anu digunakeun dina kawih nya eta nada pentatonic, anu patokanana dumasar kana da-mi-na-ti-la-da.

Dina kandaga kabeungharan seni sora sunda aya kawih nu dipirig ku waditra aya oge anu ditambul bae. Piriganana bias ku kilining, degung, kacapian, calung, angklung, malah tiasa bae ku alat music modern oge.

Kawih bagian tina kasenian sunda nu diwangun ku dua unsure, nya eta unsure seni music jeung unsure seni sastra. Unsur seni music nu ngalahirkeun lagu, nada jeung wirahma nu fungsina pikeun pamirig. Unsur seni sastra mangrupa rumpaka atawa lirik laguna. Tangtuna bae dina pangajaan basa mah leuwih museur kana unsur sastrana, nya eta rumpaka kawih kaasup kana puisi.

Ti heula geus disebutkeun yen rumpaka kawih sunda aya nu diwangun ku sisindiran. Eta bisa katingal dina kawih nu judulna “es lilin”, “sorban palid”, atawa “bubuy bulan”. Geura tengetan rumpaka kawih nu judulna “bubuy bulan” di handap !

BUBUY BULAN

Bubuy bulan bubuy bulan

Sangrai bentang

Panon poe panon poe di sasare

Unggal bulan unggal bulan abdi teang

Unggal poe unggal poe oge hade

Situ ciburuy laukna hese di pancing

Nyeredet teh ningali ngeplak caina

Tuh itu saha nu ngalangkung unggal enjing

Nyeredet hate ningali sorot socana

Bubuy bulan……bubuy bulan

Kabehdienakeun rumpaka kawih sunda the geus mangrupa sajak bebas, teu seperti sisindiran deui. Geura titenan rumpaka kawih sunda dihandap!

MAWAR BODAS

Mapay jalan satapak

Ngajugjug ka hiji lembur

Heunte karasa capena

Sabab aya nu diteang

Hujan angin dor dar gelap

Henteu aya keur ngiuhan

Sanajan awak rancucut

Teu paduli kajeun teuing

Nu penting mh asal nepi

Ka tempat anu dituju

Rek ngalongok mawar bodas

Nu moal lila kaala

Sugan tea moal gagal

Kembang geus aya nu boga

Balik the asa hoream leumpang ge asa ngalayang

Teu kasawang ti anggalna

Teu kapikir titadina

Lamun bakal nyeuri hate

Hoream teu sudi teuing

Mikiran pipanyakiteun

Mikiran pipanyakiteun

Rumpaka atawa lirik lagu teu leupas tina unsur : 

    Pilihan kecap (diksi)

    Purwakanti

      Gaya basa

     Tema

      Amanat

     Eusi carita

Analisis kawih dina ambahan sastra sunda, ngawengku unsur-unsur :

      Tema

      Amanat

      Parafrase rumpaka kawih.